ربطااااااات جديده وصلت للفات الطرح للوش الصغير والكبير

الربطة الأولى
في
الربطة دي هنستخدم اللون البيج اللي فيه لمعة بسيطة وعلى فكرة الربطة دي
تنفع الصبح وبالليل لو عندك خروجة مهمة أو حفلة خطوبة. وعلى فكرة لون
الإيشارب ده بيليق مع جميع ألوان البشرة.
هنربط الطرحة إسبانيش عادي وبعد كده ناخد جزء منها ونربطه من فوق زي الشينيو...

بعد
كده نحط عليها الطرحة المنقوشة، هنمسك الطرحة المنقوشة ونربطها بحيث إننا
نداري منطقة الرقبة، هناخد الجزء الصغير من الطرحة البيج اللي كان موجود
عندنا في الخلف ونجيب جزء صغير من الطرحة المنقوشة ونربطهم مع بعض من على
جنب على شكل وردة، وده عن طريق إننا نكشكشهم بالدبوس بالراحة.

على فكرة الربطة دي اسمها الربطة التركي ودي بتليق على الوش الطويل والجبهة الكبيرة.



الربطة الثانية
هنستخدم
فيها برضه لونين؛ اللون الأول هو الأسود وهنربطه من الأمام بدبوس من تحت
الرقبة، بعدين نربط عليها التركواز من الأمام برضه من تحت الرقبة، وناخد
بالنا إننا نسيب حتة طويلة وحتة قصيرة في كل طرحة، ونحاول نبين الطرحة
اللي لونها أسود من الأمام بحيث إنها تبان كأنها بندانة... بعد كده ناخد
الطرف الكبير من الإيشارب الأسود ونلفه من فوق ونربطه من ناحية الشمال
بدبوس علشان يعمل علو للطرحة وما تبقاش مبططة على الوش.

بعد
كده بنلف الطرف الكبير من الإيشارب التركواز بنفس الطريقة اللي لفينا بيها
الإيشارب الأسود وناخد بالنا إننا نبين جزء من الإيشارب الأسود من فوق زي
ما موجود في الصورة...بعد كده بناخد الطرف القصير في الإيشارب الأسود
والتركواز ونربطهم باستخدام الدبوس على شكل وردة من على جنب.

ده الشكل النهائي وعلى فكرة اللفة دي ممكن نعملها كمان لبنت وشها صغير بس في الحالة دي ما نستخدمش الإيشارب الأسود اللي تحت.

دي مجموعة من الربطات الإسبانش للبنات اللي بتحب إنها تلبس إسبانش بس في نفس
الوقت
بتحب الطرحة تكون مغطية منطقة الرقبة.. وعلى فكرة مجموعة الربطات دي بسيطة
جدا وسهلة في التنفيذ بس أنتِ امشي واحدة واحدة زي ما إحنا هنقولك ولو أول
مرة ما طلعتش الربطة مضبوطة معاكي جربي تاني وإن شاء الله هتطلع معاكي
مضبوطة وزي الفل..
1- هتجيبي بندانة قطن وتلبسيها بعد كده هتجيبي إيشارب طويل وتحطيه في منتصف رأسك...
2-
هتجيبي دبابيس علشان تثبتي الإيشارب في منتصف رأسك... هتجيبي أحد أطراف
الإيشارب وتلفيه حوالين رقبتك وتثبتي طرف الإيشارب بدبوس على أحد الأجناب.
1-
هتجيبي إيشارب طويل وتربطيه كويس من الخلف وياريت الربطة دي تكون حوالين
كحكة شعرك... هتجيبي الإيشارب التاني وتحطيه من قدام بطريقة مائلة بحيث إن
جزء من الإيشارب الأولاني يبان وتربطيه من الخلف..


2-
هتلفي أحد أطراف الإيشارب الأول حوالين كحكة شعرك مرة واحدة وتثبتي الطرف
ده بالدبابيس كويس وتسيبي الطرف التاني علشان تعملي بيه ضفيرة... هتجيبي
أحد أطراف الإيشارب الثاني وتلفيه حوالين رقبتك وتثبتيه بدبوس من على
الجنب.
3- هتمسكي الطرف الثاني من كل إيشارب وتضفريهم مع بعض.. وتسيبي الضفيرة دي على ظهرك أو على كتفك..
على
فكرة ممكن تبتكري حاجات تانية في اللفة دي زي مثلا إنك تحطي الإيشارب
التاني بشكل ثابت على رأسك مش مائل بحيث إن جزء بسيط من الإيشارب الأولاني
يبان.
1-
هتربطي شعرك بالإيشارب من الخلف.. هتجيبي إيشارب تاني يكون لونه مناسب
للون الإيشارب الأولاني وتحطيه في منتصف رأسك وتربطيه هو كمان من الخلف.
2- هتبدئي في إنك تلفي الإيشارب التاني حوالين كحكة شعرك وتثبتي اللفة دي بالدبابيس.
3-
هتجيبي أطراف الإيشارب الأولاني وتربطيه حوالين رقبتك من الأمام.. على
فكرة بالشكل ده ممكن تستغني عن الكوفيه الصوف اللي ممكن تلبسيها في الشتاء.



دي مجموعة تانية من الربطات الإسبانش الجديدة والبسيطة والشيك كمان علشان تدلعي نفسك في العيد على الآخر..
1.
هتجيبي بندانة صغيرة وتربطي بيها شعرك وتجيبي إيشارب طويل وتحطيه في منتصف
رأسك بطريقة مائلة أو عادية بس أهم حاجة إن جزء من البندانة يبان...
هتربطي الإيشارب على أحد الجوانب وتجيبي أحد أطراف الإيشارب وتحطيه على
رأسك..
2.
هتجيبي دبابيس وتبدئي تثبتي طرف الإيشارب على رأسك بطريقة مائلة.. وتمسكي
الطرف الثاني من الإيشارب وتلفيه على الجنب بطريقة فيها كشكشة مثلا أو على
شكل وردة وتثبتيه بالدبابيس على جنب.
1.
الربطة دي محتاجة يكون عندك إيشارب كبير جدا زي (الشال) مثلا كل اللي
هتعمليه إنك هتلمي شعرك كويس وتعمليه كحكة إلى أسفل... وهتحطي الإيشارب
وتربطيه كويس من وراء وتكون الربطة أسفل كحكة الشعر..
2. هتجيبي أحد أطراف الإيشارب إلى الأمام وتحطيه على منطقة الجبين.
3. هتلمي طرف الإيشارب من فوق الكحكة مع عمل كشكشة بسيطة وتثبتيها بدبوس..
1.
هتجيبي بندانة وتلمي بيها شعرك.. وبعد كده تجيبي إيشارب تاني وتربطيه أسفل
الكحكة.. وتبدئي في برم أطراف الإيشارب مع بعضها وتربطيها من الآخر كويس
قوي
2.
هتلفي أطراف الإيشارب حوالين الكحكة كذا مرة وممكن تلفيها كلها أو تسيبي
منها جزء ينزل على الظهر أو على الكتف بس خدي بالك إنك هتثبتي اللي أنت
بتلفيه ده بدبابيس.

1- لفي بندانة قطن على راسك ودي مهمتها إنها تمسك شعرك.
2-
لفي إيشارب خفيف تاني يكون لونه مناسب للون اللي قبله بنفس الطريقة اللي
في الصورة على شكل "طاقية" بس خلي بالك إنه يتبقى منه جزء على ناحية
اليمين يكون طويل.







3- اربطي بندانا من فوق يكون لونها مقارب للون الإيشاربات اللي تحتها.. يعني أفتح درجة أو أغمق درجة على حسب الألوان اللي عندك.
4- هاتي إيشارب يكون لونه مختلف عن اللي فات بس خدي بالك إنه يكون مناسب واربطيه من الخلف على جزئين.
5- بعد كده هاتي الجزء اللي ناحية اليمين ولفيه على رقبتك واربطي طرفه بدبوس كويس ناحية الشمال.
6- هتلاقي بعد كده إن عندك جزئين ممكن إنك تعملي منهم وردة شيك زي اللي في الشكل.
1- اربطي قطعة من التل على شعرك كما هو بالشكل.
2- اربطي إيشارب طويل من فوق بس خلّي بالك إن فيه جزء في الإيشارب يكون طويل.
3- هاتي الجزء الطويل ولفيه على رقبتك واربطيه بدبوس على جنب كما هو موضح بالشكل.








4- بعد كده هاتي إيشارب تاني يكون فيه شوية تطريز واربطيه من الخلف كما هو موضح بالشكل.






5- بعد كده ابرمي الجزء اللي باقي من الإيشارب واعمليه على هيئة وردة جانبية زي اللي في الصورة.
والشكل ده مافيش أسهل منه ومش محتاج منك أي مجهود خالص.. كل الحكاية إنك هتعملي الخطوات دي:

1- هاتي إيشارب كبير واربطيه بدبوس على رقبتك ويا سلام كمان لو كان الإيشاب ده عبارة عن لونين. 2- من فوقيه هاتي إيشارب لون تاني وحطيه من فوقيه بنفس الطريقة اللي في الصورة.








3- بعد كده خدي طرف الإيشارب الأولاني ولفيه على راسك بنفس الطريقة دي من اليمين إلى الشمال.






4- الخطوة التانية إنك هتاخدي طرف الإيشارب التاني وتلفيه بنفس الطريقة اللي فاتت زي اللي في الصورة.
5- في النهاية هتلاقي الشكل ده.
1- لفي بندانا طويلة على شعرك زي ما احنا متفقين دايما علشان تمسك شعرك وبعد كده اربطي إيشارب طويل عليها كما هو بالشكل.








2- هاتي إيشارب طويل تاني واربطيه من الخلف كما بالشكل.







3- لفي طرف واحد من من الإيشارب الأولاني على راسك على شكل طاقية كما هو موضح بالشكل.






4- لفي طرف الإيشارب التاني على راسك كما هو بالشكل.
5- اشبكي طرف الإيشارب التاني مع الأولاني بدبوس على جنب.
6- هتلاقي بعد كده إن هناك طرفين عندك اربطيهم مع بعض بدبوس كما هو موضح بالشكل.







7- بعد كده حاولي إنك تلفيهم بشكل دائري من فوق لتحت وتسيبي طرف
الإيشاربات نازل على كتفك زي اللي في الشكل، وعلى فكرة الشكل ده مناسب جدا
لو كان عندك مناسبة.

جامد موووووووووووووووووووووووووووووووت

<img alt="http://angelik.moy.su/_nw/1/38485.gif" src="http://angelik.moy.su/_nw/1/38485.gif">