ليه ياقمر؟؟؟؟؟؟؟

ليه يا قمر

ليه يا قمر طلـِّتك ما بقِتش زي زمـــــــــــــان
بنحِس بيك مِبْتِئِس والضي فيـــــك دبـْــــــلان
كانت حلاوتك مثـَـل لـُّموالعيــــون غــــــزلان
ليه النهارده القمر شايل همــــــــوم وهمـــــوم
ـــــــــــــــــ
زعلان عشان البشر غرقـــــان في بـِركة طين
واللا لأن النكـــــد غطــَّىَ لفــوق شِـــــــبرين
واللا اما شاف البشر على همـُّهـُم صــابرين
ما هو كل واحد بقـَىَ مليان هموم بالكــــــوم
ــــــــــــــــــ
أصبحت يادي القمـــر تِطـْلـَع ما بنشـــــــوفك
معرفش دا م الخجَل واللا دا من خــــــــوفـك
بتداري عنـَّا الضيا مع إننا ضيوفـــــــــــــــك
ليه تِختِفي يا قمــــر ما انت كمـــــان مظلــوم
ــــــــــــــــــ
عود يا قمر بالسنـــا نوَّر علينا بـــــــــــــلاد
نوَّر شهـــور السنه خلِلي النجــــوم تِنقـــــاد
دا الفرْح ممكن يعود لو شاف جمــــالك عاد
وتعوم في نهر الأمل والنور معــاك هيعوم

************