Mera عضو مجتهد
عدد الرسائل : 165 العمر : 35 اعلام الدول : جنسك : السٌّمعَة : 0 تاريخ التسجيل : 26/07/2009
| موضوع: حوار مضحك بين ام وابنها ....... الإثنين أغسطس 03, 2009 6:49 am | |
| السلام عليكم ورحمة الله وبركاته
محمد بيحب واحدة معاه فى المنتدى وعايز يتقدملها
فراح يكلم والدته عشان يقولها ويروحوا يخطبوها
وادى الحوار:
محمد بيكلم والدتة
محمد/ مساء الفل ياست الكل
الأم / ست الكل ؟ هو انهاردة عيد الأم؟
لا دا لسة بدرى تبقى عاوز فلوس
محمد / فلوس اية بس احنا بينا الحاجات دى برضه ؟
دا أنا جايبلك مفاجأة
اليوم اللى كنتى مستنياة من زمان
الام / خير (ابوك مات؟)
محمد/ بعد الشر
محمد / انا ناويت اتجوز
الام / لووووووووووووووووووووووووووووووووووول
ياألف نهار ابيض يادى السعد يادى الهنا
اخيرا سمعت كلام امك وهتتجوز فاطمة بنت اختى
البت بطة دى بنت حلال و.......
محمد / بس بس بس بس بطة اية وفرخة اية
حد جاب سيرة فاطمة ؟
الام / نعم نعم ومالها بطة ان شاء الله
اوعى ياواد تكون حاطط عينك على واحدة من بتوع اليومين دول ؟
محمد / متخافيش دى محترمة جدا واهلها ناس طيبين
الام / ودى تبقى مين المزغودة ؟ وعرفتها ازاى ؟
محمد / اسمها اسماء وزميلة ليا فى المنتدى
الام / فين ؟
وانت اية اللى وداك الحتت دى ؟
اتاريك بتتأخر برة كل يوم
محمد / بس بس بس بس
اتأخر اية المنتدى دة على النت
الام / نت ؟
هى دى البت اللى بتيجى تاخد الفلوس منك كل شهر ياموكوس ولما أسئلك تقولى فلوس النت ؟
اتاريك عمال تحول منى فلوس أول بأول
محمد / يا حجة افهمينى المنتدى دة مكان على النت بنتجمع فية وبنتكلم مع بعض كلنا
وبنكتب مواضيع كتير انتى مش بتشوفينى بقعد بالساعات على الكمبيوتر ؟
الام / واية يابنى اللى دخل الكمبيوتر فى الموضوع دلوقت ؟
محمد / وبعدين بقى
منا بكون قاعد الوقت دة كلة فى المنتدى معاها
الام / معاها ودى فين ابوها اللى سايبها تخرج وتقعد معاك الوقت دة كلة ؟
محمد / انا بكون هنا فى بيتنا وهى فى بيتها وبنتكلم على النت
الام / وانت شايفها كويسة البت دى ؟
محمد / بقولك محترمة جدا و بتحبنى جدا
دى بتشارك فى كل مواضيعى اللى بكتبها
وكاتبة بحبك فى التوقيع بتاعها
وخرجتنى من لعبة السجن 5 مرات قبل كدة
الام / سجن ؟ يالاهوى
وانت اية اللى كان دخلك السجن يا واد
ومخبى علينا ؟ وكمان 5 مرات
اكيد اتخانقت فى الشارع بسبب الست هانم
محمد / دى لعبة والله على المنتدى وكل مرة كانت بتيجى وتخرجنى
الام / بتخرجك من السجن
هى محامية ؟ ومالها بطة بنت خالتك ماهى معاها دبلوم تجارة قد الدنيا
وست بيت شاطرة ومش بتاعة اقسام ولا سجن
محمد / يادى النيلة انا مش هعرف افهمك حاجة خالص
الام / ان شالله عنك مافهمتنى ياموكوس
انا فاهمة كل حاجة
يلا ياد هاتلى قناة الحكايات علشان اسمع المسلسل
ولما يبقى يجى ابوك يبقى يتصرف معاك
قال مش عاجباة فاطمة قال
والمهم برده انها مقالتش موافقة ولا لا | |
|
babyface Admin
عدد الرسائل : 7122 العمر : 39 العمل/الترفيه : استاذه اعلام الدول : جنسك : الاوسمه : السٌّمعَة : 6 تاريخ التسجيل : 19/09/2008
| موضوع: رد: حوار مضحك بين ام وابنها ....... الإثنين أغسطس 03, 2009 6:25 pm | |
| ههههههههههههه جميل تسلم ايديك ومنتظرين الجديد ياجميل | |
|
همسات Admin
عدد الرسائل : 6413 العمر : 36 الموقع : babyface2066.yoo7.com العمل/الترفيه : خريجه اعلام الدول : جنسك : الاوسمه : السٌّمعَة : 18 تاريخ التسجيل : 21/09/2008
| موضوع: رد: حوار مضحك بين ام وابنها ....... الإثنين أغسطس 03, 2009 6:37 pm | |
| <div align="center">تسلم ايدكى جميله جدااااااا<br><br><img src="http://www.sawa24.com/forum/uploaded/21_73359.imgcache.gif" border="0"><br></div><div style="margin: auto; text-align: center; width: 100%;"></div> | |
|
Mera عضو مجتهد
عدد الرسائل : 165 العمر : 35 اعلام الدول : جنسك : السٌّمعَة : 0 تاريخ التسجيل : 26/07/2009
| موضوع: رد: حوار مضحك بين ام وابنها ....... الثلاثاء أغسطس 04, 2009 7:16 am | |
| ميرسى كتير بيبى وهمسة على المرور
ومنورين با بنات | |
|
babyface Admin
عدد الرسائل : 7122 العمر : 39 العمل/الترفيه : استاذه اعلام الدول : جنسك : الاوسمه : السٌّمعَة : 6 تاريخ التسجيل : 19/09/2008
| موضوع: رد: حوار مضحك بين ام وابنها ....... الثلاثاء أغسطس 04, 2009 7:26 am | |
| ده نورك ياجميل ومنتظرين الجديد
| |
|
زهره اللؤلؤ مشرفه قسم
عدد الرسائل : 304 العمر : 36 العمل/الترفيه : الرسم اعلام الدول : جنسك : السٌّمعَة : 0 تاريخ التسجيل : 11/04/2010
| موضوع: رد: حوار مضحك بين ام وابنها ....... الأحد مايو 09, 2010 5:57 pm | |
| ههههههههههههههههههههههههههههههه | |
|
mmez عضو مشارك
عدد الرسائل : 81 العمر : 38 اعلام الدول : جنسك : السٌّمعَة : 0 تاريخ التسجيل : 23/03/2009
| موضوع: رد: حوار مضحك بين ام وابنها ....... الأحد مايو 23, 2010 7:54 pm | |
| جامدة جداااااا | |
|