هااااااااام لكل بنت مستعجله علي الجواز

الحكاية بأختصار لواحدة بنوتة .... انسة يعنى ... كانت حتموت و تتجوز

ايه بقى اللى حصل لهااا ... انا حاحكى لكم على لسلنهااا هى ....

استعموا لها لأن فعلا هم يبكى وهم يضحك ...

على فكرة الحكاية دى .... على لسان صاحبتهااا

------------------------

كان يا مكان يا سعد يا اكرام .. كان فى مرة انسة .. أمورة كويسة

عسووووووووووووووووولة ملحوسة هههههههههههههههه

عارفين ايه احساس واحده و هي ماشية في الشارع وتبقى حاسه ان فى حد معجب بيها
او انه بيراقبها و متابعها لانه معجب بيها وكده ... مش معاكسه يعني و كده ..لأ بيبقى فيه كده زى احساس او كيمياا بتحس بيها اول ما تلاقى نظرات بتبص عليهااا .. المهم يعنى بحاول اوصلكم الفكرة

و على فكرة فيه جوازات كتير بتبدأ كده واحد يشوف واحدة فى الشارع ... يقوم يمشى وراهاا
ويعرف بيتها فين وسكانه فين ... ويسأل عنها وعن اهلها وكده يعنى ... و بعدين يتقدم رسمى ويخطبهااا

بس خلى بالكوو والكلام للشباب ,.. اياك تعمل الحركة دى ... اصل تاخد على وشك قلم جاااامد يا سبع
ووشك يورررررررررم وتضطر تعمل عملية تجميل وشد جلد فى وشك وكده من اثر القلم
ولا تطلع بنت رياضية بتلعب بوكس ولا كاراتيه ... بعدين تكسر لك ضلع و تعيشك فى عاهة مستديمة
انا نصحتك و النصيحة لله ... بعديت انت ممكن تعيش فى وهم .. ان ادام البنت دى ضربتك تبقى هى مؤدبة ويمكن تتغش فى الموضوع ده ... يطلع ده اسلوب البنت دى هو كده فى التفاهم ... فيبقى حياتك معها كده على طول ..... ضرب وضرب وعاهات يا ريس .. خلى بالكوووووووو

ماعلينا نرجع لعروستنا .... اللى بتحكى على لسانهااا

المهم أنا يوم نازله من البيت رايحه الشغل..حسيت بكيميا من اللى بقولكم عليها ده
و حسيت ان فيه عين هتخرم قفايا ..قوم ايه اتديرت بسرعة كده فى الخباثة ... لقيتلكم ايه ..!!
راجل انما ايه ... طول بعرض فى ارتفاع ... وماسك فى ايده شنطة سودة
وكان لابس بدله وكرافت ونظارة شمس كمان ... باين عليه واحد نضيف كده ومستحمى
عامل كده شبه العيال اللى كانو بيطلعوا فى الاعلان بتاع شباب جيل المستقبل .. بتاع جمال مبارك دوول
المهم .. كان شبهم كده فى الشياكة و النضافة .. المهم الواد كان مرسوم كده وحلوية اخر حاجة

المهم انا قلبى هفهفله اول ما لمحتة بس مشيت على طول ورحت ع المحطة
استنيت شوية كده ومارضتش اركب على طول .. لقيته جه ورايا .. امممممم

و بعدين جه الميكروباص ... لقيته قرب وهو كمان حيركب الميكروباص .. قلت فى بالى
ايه ده الشياكة دى كلها حاتركب الميكروباص ... يمكن اكيد فى الامر أن ....!!!

و لقيته كمان جه قعد جمبى ... ياحلولى يا حلولى .... هههه
بس انا قلت فى بالى خايف ليعاكسنى و ساعتهااا ..انا ما اعرفش ابويا باللى فى رجلى
ولا يهمنى شباب المستقبل ولا شباب الجيل ولا شباب امراة اصلا و لا مين بالذى ....!!

وانا قاعدة بس كنت مترقبة اى حاجة تحصل ... و كمان كان فى شوية توتر من قاعدته جمبى
و فجاة كده :: .......... فى نص المسافى تقريبا ُ .... لقيته بيميل عليا ..!!
ولقيته بيقولى .. باسلوب وصوت هادى ورزين كده .. لو سمحتى ممكن اسأل حضرتك على حاجة ..؟؟

وانتوا ما تعرفونيش باتسطل لما حد يقولى حضرتك وكده ههههه
بس برضه مش سهله يعنى ... وصدرت له الوش الخشب ... وقلت خير ايه المناسبة يعنى ..؟؟
لقيته بيقولى ::: خير ان شاء الله بس كنت عايز اسأل بس .. هو حضرتك مرتبطة ...؟؟
واضح انك مش مخطوبة او متجوزة اصلى مش شايف فى ايدك لا دبلة ولا حاجة ...!!
بس انا قلت لازم اسأل اتأكد منك برضووو مش كده ولا ايه ..؟؟

طبعا انا كان قلبى بيدق ويدق ويدق وكلى توتر من كلامه .. بس برضو كنت راكز ولابسه الوش الخشب
بس فى بالى عمال اقول .. يا حلولى يا حلولى ...

ورديت عليه قلت له :: والله الكلام ده مايتقالش في مواصلات و بعدين انا ماعرفكش و مش متعوده
اكلم حد ما اعرفوووش ... طب يعني أنا لو معجب بحضرتك و عندي نيه أتقدم رسمي ... اعمل ايه ..؟؟
اصلى بصراحة ... متابعك من مده بس دي أول مرة أتشجع و احاول اكلمك ...!!

وانا عماله فى بالى اقول ... ياحلاوة ياحلاوة متابعني من زمان ..ده واقع بأه..بس برضه على مين ..
لازم أثبت .. و قلت له ..:: و الله لو حضرتك متابعني زي مابتقول تبقى عارف انا ساكنة فين وبيتى و عارف اهلى و بابايا ... هو الوحيد اللي ينفع يتكلم فى الحاجات دى ....
لو سمحت ماتحرجنيش اكتر من كده ..جامده جامده يعني

رد عليا قالى بهدوء برضوو وكان بيبتسم ::: انت كده أثبتيلي اني أحسنت الاختيار

يا سلام يا سلام ... انا ظبطه اخر حاجة ..
لحد كده الأمور كلها صح و مية مية ..صديته آه بس كمان قلتله كلم بابا..
سيبتله سكه مفتوحه يعني ...

الواد بأه التباع بتاع الميكروباص راح شاخط فيا في اللحظه دي فجاة ... و انا كنت مسهمة ع الاخر
وقالى ::: الاجرة يا ابله .. ولا حتركبوا ببلاش ... ؟؟؟

يا ابن الذينا دنا عماله اترسم من ساعتها وانت تجيى تبعزق كرامتى كده قدام الراجل ..!!
جيت أمد ايدي جوه الشنطه لقيتلكوا الأخ بأه راح سابق و مطلع فلوس ودفع لى ودفع لنفسه
لأ مايصحش ..لأ بأه اسمحيلي ..أنا لا يمكن اقبل واحدة حتقدم لها تدفع وانا موجود ...

وجون وجون وجوووووووووووووون .. يا حلولى يا حلولى ... هيتقدم لى خلاص خلاص
أيوة كده هو انا صحيح ماعرفش هو بيشتغل ايه و لا عايش فين بس الاكيد الحاجات دى كلها حتيجى فى وقتها اول ما يتقدم رسمى وكده يعنى ... وفضلت شوية عايشة فى الاحلام و الافكار وده بيشتغل ايه
يمكن ايه يمكن آه يمكن لاء .. وهو ولا كلمنى تانى ... لحد ما الميكروباص وقف ... ونزلت لقيته نزل معايا

ووقف وبص لى وقالى ..:: ... أنا حبيت أنقذك يعني في المكروباص ..واضح قوي انك ماعاكيش فلوس
لقتنى الدم ضرب فى نافوخى ... وقلت فى بالى .. انت ياض حتتمنظر عليا ولا ايه عشان دفعت لى
و كملها كمان .. وقالى ..:: واضح ان شنطتك فاضية آخر الشهر بأه ياللا وفرت لك الاجرة المرة دى
و بصراحة استغربت هو بيتكلم بجد ولا بيهزر ...!!!

بصتله بذهول كده و قلت له ..مين اللي قالك الكلام الفارغ ده ..؟؟
انا عمري مامشي بشنطتي فيها أقل من 300 جنيه ... قام قالى ..:: باستهزاء كده ..لاااااماصدقش
انا بقى اتنرفزت حسيت انه بينرفزنى .. و الدم كان خلاص قرب يطلع من نافوخى

و رحت مطلعه كل اللي في المحفظه مورياهولي ..أهه حتى 20 50 100 200 250
لقيته مد ايده اخد الفلوس..و بصلها كده و عدها و قاللي صح انتى معاكى فلوس ...
في لحظه راح مطبقهم و حاطتهم في جيبه ..
و قاللي حخليهم معايا سيفونير لحد ما اجيلكم البيت
-
-
-
-
-
-
-
-
-
-
-
-
-
-
-
-

وفجاة ظهر موتوسيكل لقيته نط ورا اللى كان سايقه ... و فكيك
أختكوا بأه واقفه في وسط الشارع هابلااااااااااااااااااااا اااااااااااااااااااااااه ..
زي اللي اندلق عليها جردل مية مش نضيفة .. ومتنحنة تتنيحة غريبة
بقيت مش عارفه أصوت ولا اصرخ اقول الحقونى والا أطلع أجري وراه والا الطم ولا اعمل اى حاجة

فضلت واقفه يجي خمس دقايق ... مش عارف اروح فين واجى منين
والعربيات تقعد تزمرلي و انا لسه واقفة و يقولوا ايه الهبلة دى ولا يمكن طارشة مس بتسمع
بعد شوية كده لفيت و دخلت المستشفى اللي باشتغل فيها ..و على وشى تعبير
الرجل الاآلى بتاع زمان ... دخلت المكتب بتاع شغلى وفجاة .. انفجرت فى العياط

و العيال زمايلي .. اتلموا حواليا .. مالك ..فيه ايه؟...حد زعلك ..حد كلمك؟
من بين العياط و الشحتفه ما اقدرتش أقولهم غير كلمه واحده
--------------------------- اتسرقت ------------------------

ودى نهاية اللى ما يسمعش كلمة ماما تقولهاا ..

-
-
-
-تحياتى ،،،

شكرررررررررررررررررا

هههههههههههههههههههههههه

مشكوره

ههههههههههههههههههههه

تستاهل

مشكوره